陸浩明自爆由有線減人工過檔TVB 拍戲遭影帝狠批唔識講對白

有線娛樂新聞主播出身的陸浩明(6號)在2012年與洪永城、李佳芯、譚凱琪及黃翠如過檔TVB做藝人,目前主力做綜藝節目主持,與肥媽(Maria Cordero)因合作《食平D系列》而上契。日前6號接受楊紹鴻、文頌嫻主持的節目《一起走過》訪問,重提當年做娛樂新聞主播趣事,6號說:「嗰陣真係好好玩,香港都未試過有一條24小時嘅娛樂新聞頻道,係一件好新嘅事,我最難忘係訪問嘅時候幫吳宇森『夾咪』。」之後因為逗留在comfort zone一段日子,覺得自己想有變化,湊巧當時高層余詠珊離離開,於是文頌嫻便問是否有關?6號說:「一半一半喇,嗰時咁啱係王維基電視大戰,成個電視圈大洗牌,對於電視嘅幕前同幕後人員係一個黃金年代,轉得台自然會加人工,魚唔過塘唔會肥。記得同有線仲有半年約左右,正常傾續約會係早1年或早8、9個月,可能當時有啲人事變動,竟然冇人同我傾,自自然然咪諗吓係咪要轉換地方工作。」 

【點擊睇6號同女友親密合照】:

個樣十年如一日都冇變!
個樣十年如一日都冇變!

 

陸浩明(6號)是有線娛樂新聞主播出身。
陸浩明(6號)是有線娛樂新聞主播出身。

 

做過新聞主播!
做過新聞主播!

 

訪問過黎明。
訪問過黎明。

 

肥媽喺6號事業上好重要嘅人。
肥媽喺6號事業上好重要嘅人。

 

當年「有線幫」過檔TVB,有好多發展機會。
當年「有線幫」過檔TVB,有好多發展機會。

 

主力主持綜藝節目。
主力主持綜藝節目。

 

係長壽節目之一。
係長壽節目之一。

 

6號直認過檔人工一定有減少。
6號直認過檔人工一定有減少。

 

6號話肥媽鼓勵自由發揮去玩。
6號話肥媽鼓勵自由發揮去玩。

 

做主持係6號嘅強項。
做主持係6號嘅強項。

 

6號私下唔識煮嘢食。
6號私下唔識煮嘢食。

 

做過遊戲節目嘅嘉賓。
做過遊戲節目嘅嘉賓。

 

6號話啱啱過檔TVB,點都要洗一洗底。
6號話啱啱過檔TVB,點都要洗一洗底。

 

好搞笑嘅組合。
好搞笑嘅組合。

 

玩到去郊外。
玩到去郊外。

 

好搞笑!
好搞笑!

 

之前拍住阿姐汪明荃主持《娛樂大家》。
之前拍住阿姐汪明荃主持《娛樂大家》。

 

做慣主持,配音係有啲難度。
做慣主持,配音係有啲難度。

 

之前參加《好聲好戲》第二季。
之前參加《好聲好戲》第二季。

 

拍過《智能愛人》。
拍過《智能愛人》。

 

做大騷主持。
做大騷主持。

 

合作好有默契!
合作好有默契!

 

成日晒恩愛。
成日晒恩愛。

 

做大騷主持。
做大騷主持。

 

好friend喎!
好friend喎!

 

同女友有結婚打算。
同女友有結婚打算。

 

成功融入家中!
成功融入家中!

 

 

當年「有線幫」過檔後個個發展不俗,尤其在拍劇方面,幾乎是劇接劇演出,反而6號甚少拍劇機會,但他坦言自己沒有比較:「我enjoy嘅舞台係做主持司儀,根據小道消息,如果唔計呢幾年因為疫情,做主持、司儀嘅收入真係唔錯,好似森美、Bob(林盛斌)同Mayanne(麥美恩)吸金都吸得好勁。」他更說:「嗰陣喺有線返工係好穩定,一定會有嘢畀你做,只係期望幾時放大假,去邊度旅,收入係唔錯同穩定。啱啱過去都有壓力,好多嘢都要適應,JOB都少咗,而且都要洗吓底,開頭就做J2節目先,我都係畀心機去做,總之做大節目、細節目都做好晒資料搜集,做好功課先開工。」

6號又直認過檔初期人工一定有減:「做咗大半年之後開始慢慢有好轉,不過轉捩點一定係同肥媽拍咗個節目《食平D》,真係幫到我入屋,令到觀眾、太太同小朋友認識我。嗰陣係監製搵我,肥媽喺無綫做過一輯《搵食》,第二輯想加個男仔入去,雖然我哋之前有合作過,但係唔算係好深厚合作,以前喺有線好驚佢,佢出嚟有大家姐風範好有霸氣,新人嗰時見到佢要恭恭敬敬,唔會講多兩句嘢,喺TVB頭兩年同佢合作仲係驚驚哋,之後肥媽鼓勵我,叫我自由發揮諗吓點樣玩,唔知點解啲觀眾好鍾意睇肥媽虐待我,真係好變態。」

不過曾幾何時,6號最初都有幻想過自己會拍劇:「照照吓鏡發現都係唔好嘞,好記得十幾年前客串容祖兒、劉青雲嘅《身嬌肉貴》,飾演一個店舖經理嘅物體,同劉青雲有對手戲,事前好緊張,又背好晒對白,點知拍咗2、3個take後,劉青雲同我講『6號,你係咪做電台㗎?你講嘢嘅語氣同節奏好似一個主持同DJ』,嗰吓好似一盆冷水淋咗埋嚟。」

即時娛樂