畀貼士，各處鄉村各處例。早年到美國讀書及到加拿大移民，最唔慣為當地餐廳畀貼士文化，不但「老奉」，簡直斷搶，唔畀唔得，否則反面。
而畀，仲要無論服務如何，就算差到飛起，都要畀足。否則追你九條街詛咒。
當時真的無法明白，貼士豈可勉強？更豈可不准隨意？咁點解唔似香港咁，將加一打埋落單處，大家免拗，不會引起無謂衝突。
好啦，後來到內地、台灣及日本旅行，咦……畀貼士，乜一切與美加相反，咁「筍」的呢？一律不收小帳，服務客人乃理所當然，絕不會貼士多 ，服務好 ，否則就黑面，真有種——大隻蛤 隨街跳之感。
到出社會做事，見人見事多 ，懂得點點世情，知道人性所在，也知乜叫「識做」與「唔識做」，尤其觸及人際關係，點解有 人特別乞人憎，有 大受歡迎呢？並非似 蠢人以為一個「錢」字作怪。其實人人有自尊，你在「識做」時，也得放入點點感情、點點尊重。最忌以為有錢大晒，又或去到盡——我係咁 啦，吹乒乓乎？
畀貼士，我最記得倪匡叔忠告：第一，不要欠人，寧人欠你；第二，貼士畀在前頭！
第一點，即畀貼士要多過平均的，例如一般人畀二十元，你就畀五十元。一般人畀五十元，你就畀一百元，令服務者點點喜出望外。第二點，貼士——我先主動欣賞你，請勿令我失望，我是罕有的好客！
上世紀八十年代倪匡叔的教誨，小弟終身受用不盡，尤其在飲食界，更可廣結善緣！
昨日坐的士，聽到一個「Cheap精」故事，咁都得？
的士大佬剛聽到台叫：「有冇人執到手機？昨晚由沙田去西貢，內有二千元及身分證，拾獲付費一千元，請覆。」
司機大佬師傅上身：「又二千元又身分證又電話，係我一定現金唔要，送畀司機！先生，呢個世界乜Cheap精都有。試過一次，丁友由尖沙嘴搭車入沙田，留低 手機在車，我專誠經隧道送回，你估佢畀幾多？XYZ，十元大洋一個！真有衝動兜 掟返畀佢，乜人 ？」
