「星洲龍」能過超人關?

(曾智華)

  上周最震撼地產界新聞,並非樓市繼續下瀉,而是誠哥又出招,繼幾年前天價出售中環中心,搞到接貨者無不「雞毛鴨血」後,又再發功!今次接貨的,並非中資財團或本地炒家,而是「星洲過江龍」。

  一出手,就以二百零七億元全掃長實半山區波老道豪宅,平均方呎價六萬一千元。

  市場中,一買一賣,賣方當然認為「 價就賣」。買方呢,一定以為執到筍 。加上今次長實開出的條件,真的非常「筍」,因竟然願意借埋錢畀你買我的「筍貨」,出手就是一百億元。仲有,成交期可以長達兩年半。

  睇個局,真係有請君入甕之感,唔……

  究竟呢個新加坡基金背後的 Fit人,對超人有幾犀利,知唔知呢?睇牌面,好似一 雲,非常似上世紀七十年代日本及九十年代內地的暴發戶一樣,堅信明天必定會更好,以及錢一定會繼續來,故才重錘借錢出擊。

  印證一個現象,過去一年,新加坡實在太多錢湧入,人人以為錢必定天天跌下來,故開始有「魚翅撈飯」心態。

  眾所周知,誠哥在全球皆有投資,除佢自己眼光超班外,更有大量分析專家提供服務,令佢充分掌握市場走勢,其功力實在大超班,在香港,根本無人能及。

  睇歷史,除 上世紀八十年代收購美麗華一役輸畀李兆基外,大致上是長勝將軍。

  分析市場走向,真係叻到飛起。最巴閉一次,為一九九八年,劈價兩成出貨,將盈翠半島三千個單位全面套現,快過所有仍 的對手,盡吸當時的購買力。之後樓市大大鑊,一直 到二○○三年才見底。是否神一般的眼光?

  當然,二○一八年出售中環中心,更是「震驚江湖」。比五至十個巴仙(市價)你賺。然後,綁你上車,結果,個個損手爛腳蝕三成!

  今次呢條「星洲龍」與超人拗手瓜。我睇,哈哈,輸硬!極大機會兩年後蝕完息(借下一百億元),再要以「 仔價」賣返畀長實。睇 中唔中先。

Uncategorized