全香港市民，皆似日日在無聲吶喊：「復常、復常、我要復常！愈快愈好！就快餓死喇！」
香港，素來以回彈力（Resilience）強見稱。今鋪一旦開始復常，且看又如何？
好多人悲觀。我呢？生性樂觀，大家睇落去可也，拗都無謂。
其實各行各業已密密部署，摩拳擦掌準備出招。當中最積極的，是香港馬會。
馬迷及遊客皆知，二○一九年前，凡周三跑馬，快活谷就舉行嘉年華，熱鬧非常，有Live Band，又有各式遊戲，華洋客人各適其適，或對住衝刺馬大叫，或隨著音樂跳勁舞，又或三五成群手持冰凍啤酒吹水，總之，就是幕幕歡樂畫面，搶鬼晒蘭桂坊生意。
你知我知，二○一九年後，點搞呀？不過，如今一切慢慢復常喇，首先「熱身」的，乃馬會將在跑馬地馬場百萬廂房及馬房彎露台，於十月二十一日（周五）晚七點至十點半，搞個《探索馬場之旅：德國啤酒節嘉年華》，到時賓客可以齊齊無限量任「隊」冰凍德國啤酒，再大歎以德國美食為主題的自助餐。當然少不了攤位遊戲，派禮物及處處設有打卡位。
馬會預告，今次先搞德國啤酒節，跟住落 ，將大搞特搞歐洲其他國家及日本為主題的嘉年華。總的一句——搞返旺個市！
馬會如此積極，希望各行各業也放下消極怨氣，講多無謂，自己幫自己（即係唔好靠政府！），一於度「橋」吸客。香港仍有七百萬人，全面開關前，先自己人做定Warm Up，當綵排啦！
好 ，講講今日標題：《 「夫卜」變「夫仆」》，主角邊個？當然是周三晚開「忽蟲」的潘頓啦！睇款，明日又可能開返「忽龍」！
國慶盃冷清清，只得七隻。論操練，最Top為「當家猴王」及「聚才」，應以這兩隻做二重彩複式膽，拖「顯心星」及「八仟師」。
另一隻必買為第八場「識贏」。拉叔冇得跑都替佢試閘，輕風送爽W出。
羅廄大賽棋子也！
