防疫終變「0加3」，好多人再舒口氣！
因之前公布「3+4」之後，已有不少區域總裁級人馬，立即再頻頻四圍飛，視察業務，如今將更頻密！
「H主席」剛剛飛完一轉歐洲及亞洲，回來隔離後，召老友晚餐。席間，當然論及香港的慘況，比對其他城市的盛況。
「昔日香港機場人山人海，最高峰可以一日二十幾萬旅客出入。如今？只得三幾千！冷清清不止，最弊氣氛似大型醫務中心，滿布『大白』、『大藍』，戴晒口罩面罩頭罩的防疫人員。真係細膽 都畀佢 嚇親，成個疫埠咁，遊客有得揀，點會 ！」
H哥指出，氣氛外，之前的防疫政策，亦搞到人人煩透。上機前四十八小時驗核酸。如今，不少國家已放棄「玩」 咁 。你要驗？唔該自己去當地醫院。呢呢，例如新加坡，就一 斬你二、三千蚊。喂，若遊客因為未出發已大大破財，不止，若驗到「有 」，更大劑，又要改機票，改酒店，改行程……損失慘重。
「H主席」結論：「香港一日唔全開，根本冇遊客有興趣！旅遊業肯定復甦無期！」
昨晚又與一位「T總裁」共聚，也是飛完一大輪，終可以返香港，開開心心與老友食返餐。不過，一提起「回港難」，真係呻到樹葉落：「以前的香港，國際旅客，無論商務、遊客、探親，皆來去自如，方便到震。呢個一直係香港畀外國人的印象。不過，呢三年乜都改晒，至今仍自我捆綁，唔知幾時肯鬆！」
T總裁形容過程，簡直是玩「回港難」：「外地回/到港，先要上機前四十八小時做核酸檢測，等報告，收到後，上載文件，做Fly Ready，然後下載健康碼。抵達香港後，先做快測，要下載一個檢疫碼，然後收到檢疫令信，必須每日用信中的QR Code上載快測結果……過程極度令人不安，因慌怕做漏程序，後果堪虞。」
唉……我聽到頭暈，你叫遊客來玩來花錢要咁搞法？係咪精神有問題？
望一切快快過去，盡速先變「0加0」！
