昨晚（26日）陳煒於尖沙咀半島酒店Garden suite設宴出嫁，與陳國強醫生簽字結為夫婦，大批圈中人到賀，當中包括與陳煒於亞視時期已結緣的鮑起靜、江美儀、鄭則仕及姜皓文等。陳煒穿上長袖透視蕾絲婚紗，由恩師鄭偉強拖入會場，鄭偉強更叮囑陳國強要好好對待陳煒：「你一定要好好對佢，如果唔係我唔會放過你。You are a lucky guy！」一對新人在眾親友見證下交換戒指，並三度接吻，氣氛浪漫溫馨。
陳煒昨晚（26日）於尖沙咀半島酒店Garden suite設宴出嫁。
陳煒與醫生男友陳國強拍拖4年拉埋天窗。
三度錫錫！
陳煒由恩師鄭偉強拖進場。
鄭偉強叮囑新郎哥要好好對陳煒。
陳煒與老公交換戒指。
譚俊彥到場祝賀。
馬浚偉到場祝賀。
鄭則仕（右一）及TVB高層曾勵珍（左二）亦有到場。
TVB高層樂易玲到場祝賀一對新人。
陳煒致詞時特別感謝恩師鄭偉強：「喺呢度無人比佢夠有資格。因為佢係主宰我呢26年嘅演藝人生嘅好重要嘅一個人，當年如果唔係佢喺垃圾桶執返我份報名亞洲小姐履歷資料，就肯定冇今日嘅陳煒。 」另外，TVB高層樂易玲及曾勵珍亦有到場祝賀一對新人，陳煒亦多謝甚少出席藝人婚禮的曾勵珍，抽空出席她的婚禮。而最後提到於亞視時期已結緣的鮑起靜，感謝對方出席時，鮑起靜亦感動到眼濕濕。
新郎陳國強向太太說出「愛的宣言」，感動全場：「我想講，我以前叫佢Honey，但今日之後會改口，叫佢陳太或者老婆。過往佢陪伴咗我4年，呢段時間係我人生中，最開心嘅日子，多謝你，I love you！同埋我想喺呢度回應佢之前講50年不變嘅報道，我喺度講我係會50年+1日不變，嚟緊呢段時間都會錫你、寵你、愛你！」陳煒亦大讚對方是個細心的好丈夫。而婚禮最後的拋花球環節，只有在場兩位單身女士參與，朱晨麗最後爭贏江美儀奪得花球！
