ViuTV節目《晚吹-有酒今晚吹》今晚（26日）播出第124集，方力申（小方）擔任嘉賓，與主持品嘗威士忌。問到對緋聞的睇法，幾杯下肚的小方自爆已單身5年，笑言大多緋聞都「假到黐線」。不過翻查資料，小方同拍拖10的鄧麗欣於16年分手，數吓手指應該兩人分手6年喎，唔通同Stephy分手後有拍過散拖?
小方飲大兩杯講擇偶。
小方同Stephy拍拖十年於16年分手。
小方同馮盈盈傳過緋聞。
小方同陳瀅緋聞傳足兩年。
今年初，傳小方送狗公仔畀陳曉華示愛。
42歲的小方更被娟姐開玩笑指已過適婚年齡，令他意外發現原來年齡是其中一個結識不到女生的原因。小方自爆一直有玩交友Apps，但反應冷淡：「心諗點解無人like我嘅？原來因為佢哋無設定到對象係40歲以上，所以見我唔到。」
另外，講到擇偶條件，小方表示只有一個：「如果你喺我個腦入面，你就喺我心入面。如果我識一個人嘅時候，見到一樣嘢就會諗起佢嘅話，就即係鍾意佢。」問到會否介意另一半是外國人，小方笑言完全唔介意。
小方大呻玩交友App無人理。
小方飲大兩杯好多嘢爆。
小方邊飲威士忌邊吹水。
