（星島日報報道）由王祖藍主持的綜藝節目《有個閨密叫祖藍》日前播出第五集，請來嘉賓楊千嬅暢談與老公、仔仔和奶奶的關係，她更坦率地剖析自己多年來的心路歷程及性格。
千嬅大爆老公丁子高經常「唔識撈」，批評她的唱功和衣着，強調與老公並非一見鍾情，只是愈相處愈發覺自己深受對方影響，並謂現時在上海居住也因老公是上海人：「當初嚟係因為佢好耐冇見屋企人，佢屋企大家族，每次食飯都成三圍枱。但我爸爸、媽媽喺香港，所以都會掛住香港。」
驚同奶奶打牌
祖藍追問千嬅曾否行「奶奶政策」，她即分享與奶奶打牌的趣事：「打牌我識識哋，但又唔係好識，因為數學真係相當差。初初打，我好驚，奶奶好認真，唔可以亂打。譬如人哋做大牌，但我又唔知，亂咁打，結果打出去畀個雞糊截咗人哋一舖150幾番，真係驚過輸。」