Juicy叮|逾十萬元「單反」當櫈坐惹熱議 網民:做緊壓力測試啫

相機除了用來拍照外,原來還有另一用途。有網民日前經過尖沙嘴碼頭期間,見到一名攝影發燒友竟將估計逾十萬元的單鏡反光相機當成座椅坐在上面,令她非常詫異,直言「原來碌砲可以咁用」,帖文引來逾千名的網民讚好,其中更有人笑言「有錢就是任性」,該名攝影友只是為相機進行「壓力測試」。

一名女網民於社交平台facebook「on9仔女同盟會 (on9限定) 3.0」群組發文,指日前經過尖沙嘴碼頭時,見到一名年約20多歲的攝影發燒友在拍照,其後更將駁有長鏡的單鏡反光相機放在地上當櫈坐,令她非常驚訝「原來碌砲可以咁用」。

帖文旋即被瘋傳,其中更吸引逾千名的網民讚好。有人笑言可能是相機型摺椅,亦有人指該張「相機櫈」的價錢起碼逾10萬元,「一句到尾,型」、「求相機心理陰影面積」、「係驚個膠Hood唔夠力」、「當你以為是碌炮,其實佢係一張櫈」、「做緊壓力測試啫」、「有錢就是任性,生活態度真係唔同啲」、「碌炮應該坐完都花曬」。不過,亦有人質疑該名攝影友為何不將背囊放在地上,席地而坐,「我就完全唔會咁樣做,一位攝影人,體力考驗係行走企,企多陣又何妨」。

有攝影友將單反當櫈坐。網上圖片

即時港聞