黎姿帶三女歐遊享受親子樂 靚景前玩麻鷹捉雞仔

現年50歲、已為三女之母的黎姿（現名馬黎珈而，Gigi），近年專心打理弟弟的醫學美容王國。日前Gigi 難得放下工作，便帶同三個寶貝女歐遊。Gigi連日來不斷在社交網分享旅行靚相，無論身材及樣貌，高貴獨特的氣質獲不少網民大派心心。

Gigi昨日（18日） 上載與三個囡囡出遊的短片，片中見Gigi開心享受親子樂，除帶三個囡囡到酒莊參觀兼摘提子、到大草原玩平衡木、搖搖板、食雪糕，又貼地放甲蟲上手；Gigi更在空地跟囡囡玩麻鷹捉雞仔，眾人都玩得相當盡興，Gigi 在相片寫下：「笑到肚子疼」、「開心的時光過得很快」。原來Gigi有不少靚相都是由囡囡操刀，見她擺出不同甫士，而囡囡則手執大相機，姿勢有板有眼。至於三個囡囡亦長高了不少，高度快追過媽咪，Gigi 留言寫道：「努力玩，努力工作，假期是為了製造回憶~假期」網民都紛紛留言大讚：「一齊玩呢啲集體遊戲，而唔係集體篤手機，好開心啊！」、「母愛真偉大」。