獨家丨何晉樂望似張敬軒唱功多元化 新歌用被欺凌經歷鼓勵人

「聲夢」何晉樂(Rock首次推出個人派台單曲《無證騎士》,以小學時被同學踢落樓梯欺凌經歷做主題,希望歌曲為遇到相同遭遇的人打氣,知道他們並不孤單。未來目標是想成為好似偶像張敬軒一樣的歌手,能夠演繹不同類型歌曲,而早前在頒獎禮跟前輩劉德華同台,對方的專業態度,令他更加不敢怠慢。採訪杜 攝影:沈健程 髮型:Hugo  Poon@iiAlchemy 場地:Pier 1929

Rock希望透過自己音樂給人心靈慰藉,也算幫到人。

 

首支派台作品《無證騎士》,以Rock自身故事出發。

第一次演繹真真正正屬於自己的歌,Rock 除了覺得心情興奮外,還多了另一番感覺,「一首出道歌證明你正式成為歌手,好開心第一首我自己作品係講我自己嘅故事,好有歸屬感,係屬於自己嘅感覺。」

小時候的Rock,精靈又可愛。

 

Rock入行以來,一直獲粉絲團「石灰粉」支持。

難忘跟劉德華同台

《無證騎士》講Rock78歲時讀小學被欺凌的經歷,「嗰時背脊有好大個鞋印,因為畀一個同學仔踢落樓梯呢件事情引發咗好多嘢因為我細個好鍾意睇啲英雄片亦都激發我去讀有關醫學嘅嘢我想幫人呢首歌係想講我呢個心情同經歷同人講一啲唔好嘅事情你要識得起返身我會伸隻手去扶你,係首好溫暖嘅勵志歌。」在英國時曾在藥房工作的他,發現人其實並非想像中脆弱,只要有適當陪伴就能捱過,而他認為音樂正是最好的陪伴。

劉德華為《香港金曲頒奬禮》表演,Rock與其他新人有幸同台。

 

視張敬軒為偶像的Rock,入行後以對方為奮鬥目標。

一直有創作的Rock,原來都有想過第一首次由自己作品,「自己都有啲半製成品喺度,但係有我好鍾意嘅監製(周錫漢)去幫我做,想相信咗佢先,因為第一首好容易炒車,梗係穩陣啲好,我個人係比較理性,加上佢都好鍾意我呢個故事,我想第一首歌畀人認識我多啲。」不過Rock強調會keep住創作,未來更加希望可以做到偶像張敬軒一樣的歌手,「佢啲歌點解可以咁有新鮮感!我想成為佢咁多元化嘅歌手。」講到最近有機會在《香港金曲頒奬禮》跟前輩劉德華同台演出,對方努力又親切的態度,亦鞭策他要更加進步,「綵排時見到佢,望住我哋已經電到我哋,佢身形keep得好好,又同我哋打招呼,又nice,基本上冇聽過佢嘅負評,如果想成為藝人佢係一個好好嘅榜樣。」

Rock正計劃拍片令大家更了解他,當然會預埋一班「聲夢」啦!

 

​ 一班「聲夢」中,Rock最希望跟蓮姐(林君蓮)有機會唱歌。

 

 

即時娛樂