可睇,可唔睇

(曾智華)

  電影,我分幾類,包括:一、一定要睇;二、應該要睇;三、可睇可唔睇;四、冇 做先睇;五、唔睇, 時間。

  第一、二類,是奧斯卡及香港電影金像獎提名電影。第三類數目最多,通常我都會睇,以示對電影業的支持。至於第四類,大部分一小時左右離場。而第五類,就是垃圾片,對電影工業的一種侮辱,拍者應該受鄙視。

  昨日入場睇 套第三類電影——《殺手列車》。此片來頭非常之巴閉,由荷里活極品級動作導演大衛雷奇炮製。劇本原著出自日本大作家伊 幸太郎,名《飄蟲》,主角更屬大卡士,萬人迷畢彼特是也,由佢擔綱主演,已是票房及質素的保證,故此小弟毫不猶豫,立即買飛捧場。

  喜歡「殺人電影」(有點變態?)的影迷,必定大樂,因大衛雷奇施展渾身解數,度出無數殺人花招,總之,動刀動槍車撞再掟落樓或炸死……乜都有齊,你諗唔出的,佢全部可以無邊無際,似天馬行空般度出。

  無可否認,特技人出身的大衛(曾六次做畢彼特危險動作替身),有熊熊狂躁之火,全部化為動作及畫面, 令好此道者,大感滿足。

  畢彼特又如何?嘩,唔講唔知,原來就快變「兩蚊雞族」,即係登六!

  但戲中所見,仍冇乜老態(殘殘 就有,可能純粹要配合角色所需的滄桑感),兼且見到(部分可能用替身)仍相當矯捷,保養一流!

  不過,呢套絕非可以競逐奧斯卡各項大獎級數的電影,包括最佳男主角,所以,在座觀眾不會對畢佬的演技有太高要求,事實,佢在此片亦冇甚麼具深度的演繹,只是詼詼諧諧扮個橫衝亂撞的殺手矣。

  《殺手列車》畫面色彩豐富,節奏明快,冇乜悶場,兼且好多過癮點子,娛樂性滿滿。

  最考導演工夫為全套電影只困在一班列車上發生,如此小的空間,拍足兩小時,你話要幾多構思才唔悶?

  不過,劇本稍弱,間中無厘頭,尋娛樂,OK,但不一定要睇囉。

Uncategorized