TVB綜藝節目《有個閨密叫祖藍》第三集邀請到與祖藍相識18年的薛凱琪（Fiona），祖藍當年對她的第一印象是「咩都笑得一餐」，可惜隨着慢慢走紅，開始有人跟拍，令Fiona漸漸變得不快樂，呻冇咗自己的生活。當年兩人合作電影《人間喜劇》，祖藍已發覺對方有異樣，Fiona坦言當時眼淚完全不受控制，會面無表情、眼淚不斷滴落、情況嚴重，當時自創「仰天忍淚」方便化妝師化妝，更分享了當時情緒出現問題的兩大成因，直指有借戲中怒摑祖藍一幕發泄負能量。
第三集嘉賓係Fiona。
原來Fiona同祖藍都識咗18年。
Fiona笑言啲閨密任務紙似肉桂條，真係虧佢諗得出。
祖藍當年對Fiona嘅第一印象係「咩都笑得一餐」。
祖藍單刀直入狂Chok對方戀愛史，Fiona亦坦率回應：「我入行17年，點會冇拍過拖？但我每次都會話冇拍，你諗吓分手時幾咁痛，仲要做訪問解釋喎！」更自爆沒試過拍散拖，大概拍過四次，還撒嬌表示「拒絕再玩」。至於近一年Fiona留守北京工作，坦言未試過獨居，因此仍不適應，除了經常與媽咪視像通話，更化身「動物託兒所」排解寂寞。
Fiona 入行後曾受情緒困擾。
Fiona 坦言入行17年拍過4次拖，每次分手都好痛。
Fiona 與房祖名拍電影《早熟》時傳過緋聞。
亦曾與方大同傳緋聞。
又Fiona承認當時有將負能量發洩喺祖藍身上，兩人共過患難，難怪成為閨密。
Fiona 自創「仰天忍淚」，方便化妝師化妝。
星島新聞集團慶回歸25周年專題網站，請即瀏覽
