撲飛代理人

這些年來,每到演唱會的旺季,我便會很受歡迎,忽然多了很多所謂朋友,明明幾年沒有聯絡,都會無端來電,無事不登三寶殿,懶熱情問候近況,然後言歸正傳,問我:「你可唔可以幫我訂八張MIRROR演唱會飛?」

  「 ?我同花姐都唔熟,應該幫唔到你喎!」我答。

  「你咪講笑啦!平時你報道咁多MIRROR 新聞,佢 點會唔畀面你喎!總之冇八張都要四張飛啊!」

  這種厚面皮的人,有理由相信是漁翁撒網式,向身邊所有人埋手,如果這個買到兩張,那個撲到四張,他便可以夠晒面子,炫耀一番。

  最麻煩是有些人諸多要求,往往以為我是主辦單位,既要求握手靚位,又要指定某一個日子,最好能安排入埋後台合照就至好不過。更煩到我的,是我要先墊支,然後跟唱片公司安排門票,再約朋友一手交一手,你估我真係好得閒?

  我有時候收到太多類似的柯打,到臨近演唱會開騷,往往忙中有亂,「死啦!呢幾張飛係邊個訂呢?一時醒唔起。」

  也試過有人明明實牙實齒預訂四張門票,忽然有九萬個藉口推卻,要我臨急找人承接,煩到死。

  還有某些不懂感恩的人,收到門票後,得知只是坐第七行,竟又會詐我型,「搵你訂飛都冇頭幾行坐,冇乜料到喎!」多謝唔該都冇句,仲嫌三嫌四,這些人已經可以絕交。

  那些泛泛之交,平日連問候電話都無一個,更不會定時相約飯聚,交情去到一個低點,試問手上如果真的有兩張MIRROR演唱會門票,我真的找不到一個說服自己的理由,去轉讓給對方。更何況,門票是實名制,唔使煩。

Uncategorized