(曾智華)
馬會舉辦《25年我最難忘賽馬時刻》，慶祝香港回歸二十五載。論回歸後的政治演變，真是百般滋味在心頭。咁，論馬又如何？有趣得多！
過去二十五年，相信不少馬迷最難忘的一場，並非甚麼大賽，而是在二○一六年七月一日的一場新馬賽。
當日告東尼派出初次亮相的「巴基之星」。十四匹馬出賽，此駒賠率十六倍，屬於冷而非大冷，即信心麻麻。
出閘！呢匹BB好似唔識跑加唔想跑，包大尾，入直路時仍是第十四位（十四隻！），套用馬場術語——可以撕票！
點知神奇事件發生！隻馬突然似食錯藥兼馬神上身，最後一百五十米如飛殺上，逢馬過馬，收韁而贏！呢條片大家可上網重溫，簡直難以想像，冇人會忘記！
最難忘賽事，已經成為國際馬圈新聞，其他任何一場皆冇得揮。
好 ，至於我個人最難忘的賽事，又是哪一場？「案件重演」，發生在一九九三年二月七日。
當時小弟與大群聖若瑟書院舊生組 個「笑口組團體」，以七十多萬元買入一匹Northern Bay（名種）子嗣。四歲到港，各人大想頭，取名「好易贏」，由練馬師岳敦引入及訓練（即只有佢才知隻馬有幾多料！）。
初初亮相行圈，岳敦及騎師靳能皆指此馬冇機會，六十八倍，先熱身一場。
我 個個信，冇買，齋睇！
結果？隻馬未入直路，「金毛獅王」靳能已擺明「搶錢」式搏殺，咬住後來升頂班的「一定威」 鍊，兩隻馬單打獨鬥足足一條直路，「好易贏」終只輸半馬位。意即呢場岳敦及靳能「收埋食」，Q派一千六百幾元！我 成個「笑口組」慘變「喊口組」。最大鑊，搏盡一場後，隻馬從此散晒，終未W過就退役。你話 ，咁畀人當水魚撳，係咪畢生難忘 ？
今晚尾場一千米，明星馬「華麗活力」當然 晒飛！不過，大家記唔記得潘頓上周六點跑全熱門「少爺仔」呀？
提議大家記得預埋「你知我勝」及「紅酒之寶」！
