由《全民造星》第一季成功闖到最後10強嘅應智越（細貓），曾被邀請加入人氣男團MIRROR，但各種原因，最後婉拒花姐的邀請，之後細貓開工作室獨力進軍樂壇，喺2020年推出個人單曲《約你跳舞》，並以獨立歌手出道。雖然吃力，但以堅定意志逆流而上，都有唔少「喵星人」（Fans暱稱）支持㗎。
應智越唔靠後台單打獨鬥即將開騷。
細貓接受地獄式訓練。
曾參加選秀節目《全民造星》的應智越，差點就成為MIRROR中的一員。
細貓有唔少Fans。
係開騷時候
《頭條日報》近日收到讀者報料，指細貓近日接受特訓，由魔鬼教練地獄式操肌，而且操得一身強健身形，比以前更大隻。本報記者致電追問應智越經理人Elaine Li，追問細貓係咪為開show做定準備？經理人未有否定說法，坦承自細貓出道，多間演唱會主辦商已向他打主意，力邀他開演唱會，直至今年細貓都覺得係開show時候，希望喺舞台上用歌聲及舞蹈嚟答謝歌迷兩年嚟嘅支持，當確定場地和日期，細貓將會第一時間和大家分享。
細貓一向係「健身控」。
經理人指細貓一向係「健身控」，以往喺韓國當練習生時已培養出有規律的健身模式，而且他緊接嘅工作也要有fit爆身形嚟配合，他隨時可以接受每個挑戰。
細貓做乜都好勤力用心。
細貓為咗追夢，曾入讀內地音樂學校，卻發現課程內容與自己追求的大有分別，便捨棄當時的一切，遠赴到韓國一邊工作一邊讀書，7年來冇放過任何一個能成為練習生嘅機會，可惜還是未能喺當地出道。
遲吓細貓有唔少工作都需要佢副fit爆body。
細貓好鍾意唱歌。
今年3月細貓推出咗新歌《幕後花絮》。
《2020年度勁歌金曲頒獎典禮》中，應智越奪唱作新人獎。
星島新聞集團慶回歸25周年專題網站，請即瀏覽
