挨跌5萬蚊|大律師 :10歲以下小朋友無法律責任 家長可向展方要求退回賠償

小朋友挨跌價值逾5萬元「天線得得B」公仔的事件,引起各界熱議。大律師陸偉雄向本網表示,不同歲數人士有不同法律責任,若涉事小朋友年齡10歲以下,則毋須承擔刑事或民事責任,即展覽方不應向小朋友及其父母索償。

他表示,得悉涉事家長已向展方賠償逾3萬元,他建議家長可向展方要求退回部分賠償。

他表示,今次意外展覽方亦須負上責任,因為展覽方明顯並無妥善安放展品,「佢一係搵圍欄圍住佢,加埋搵保安睇住佢,一係鎖死佢係地下,唔係就咁放佢地下,整個牌話請勿觸碰就算,小朋友都可能唔識啲字。」

他建議涉事家長向展方索取物品價值證明,「唔係佢話5萬就5萬」,並要求展方交代有否購買保險及要求展方分擔事件責任。

即時港聞