軒仔獲葉巧琳送「家傳之寶」

葉巧琳出動媽咪的「家傳之寶」,令軒仔好驚喜。

(星島日報報道)《THE NEXT 20 張敬軒演唱會》如火如荼進行中,軒仔在第八場演出請來林奕匡、葉巧琳做嘉賓,他用「好好先生」來形容林奕匡,林奕匡表示:「我正好就是你一月因為疫情而暫停演唱會當晚的嘉賓,當時我留言同軒仔講,唔駛擔心,一定開得番!而且會再開多幾場!真係中晒啦𠵱家,哈哈。」更送上咖啡菜單給軒仔,希望「遮遮」學識沖咖啡給軒仔飲。而葉巧琳就捧住媽咪的「家傳之寶」-一大樽腌製了20年的鹹柑桔送給軒仔,多謝軒仔畀機會她上紅館舞台唱歌。

至於第九場則有許廷鏗做嘉賓,他送上珍貴的黑膠碟給軒仔,更拎出即影即有相機與軒仔自拍留念,可惜手震久未影到相而被軒仔抽水,着他買自己代言的手機,十分搞笑。

 

娛樂