心臟病男嬰「張保仔」離世 父母忍痛道別:之後一定會再見

現年1歲的男嬰張允祈(張保仔),在出生時被發現患有先天性大血管移位(簡稱TGA,屬先天性心臟病一種),隨即安排接受手術卻失敗,當時醫生估計他或許只有4個月命。他早前迎來一歲生日,然而其父母昨晚表示,張保仔已離世,並指「呢一刻說再見…之後我哋一定會再見」。

其父母昨晚在社交媒體發文指,張保仔在昨日凌晨3時多離世,又指半夜接到醫院來電指希望兩人儘快到病房,當時已心知不妙。帖文指,兩人在進入病房時,保仔的情況已經甚差,又指早前曾向兒子表示,「想休息就休息,保爸媽唔會怪你,最緊要要等保爸媽一齊嚟到先休息,佢真係做到。」保仔在聽到父母的聲音後,即時有反應,心跳亦稍為上升。保仔父親隨後主動向醫生表示,希望可以擁抱兒子,並指雖然早前已決定放棄治療,但希望兒子在父母的懷中離開。

「張保仔!邁向偉大航道!」FB圖片

「張保仔!邁向偉大航道!」FB圖片

「張保仔!邁向偉大航道!」FB圖片

帖文又指,「個仔真係好叻,佢遵守承諾,佢好乖咁撐到保爸媽嚟到」,又指沒有後悔一直留在醫院的留宿房,「因為真係好怕呢一刻趕唔切」,但指「唯一遺憾係我同保媽喺佢呢段最辛苦既時間,我哋唔喺佢身邊…陪唔到佢…保仔…對唔住…」帖文續指,「保仔…你唔駛再辛苦,天父會好鍚你,喺天家,無人再抽你痰,抽你鼻鼻,你唔再需要承受一個人孤零零喺病床無爸媽喺身邊無人理你既時間,你可以自由自在咁去開眼仔。雖然你開眼未必再見到爸媽喺你身邊,但我知道你已經變咗我哋最愛既小天使守護住保爸媽。你好叻咁遵守咗第一個承諾,記得我哋仲有個約定,你喺天家探完婆婆,玩夠喇,就同天父講,你要用健康既身體返嚟保爸媽身邊。記住,我哋會等你返嚟!!保仔,我哋真係好愛好愛你…保仔…呢一刻說再見…之後我哋一定會再見。」

「張保仔!邁向偉大航道!」FB圖片

「張保仔!邁向偉大航道!」FB圖片

「張保仔!邁向偉大航道!」FB圖片

帖文來源:「張保仔!邁向偉大航道!」Facebook

即時港聞