（星島日報報道）新一年新開始，張敬軒親自監製的歌曲《On my way》先拔頭籌，奪得TVB「JSG勁歌金曲」及ViuTV「Chill Club推介榜」冠軍歌，加上早前已成為「叱咤903專業推介」、「新城勁爆本地榜」及「中文歌曲龍虎榜」冠軍歌，成為本年首支五台冠軍歌，今年首位歌手奪五台冠軍。《On my way》的演唱會版前晚亦於Chill Club播出。
軒仔表示：「《On my way》呢首歌係有好多自己嘅經歷喺入面，亦都係作為入行二十年送畀自己嘅一份禮物，你可以話回顧、總結，甚至亦都可以係一個開始。新一年啱啱開始，得到五台冠軍歌當然開心，多謝製作團隊，亦都多謝媒體、歌迷、網民嘅支持，嚟緊將會係重新開始，會繼續努力做好音樂。」其大碟《The Brightest Darkness》亦為奪得最多五台冠軍歌的唱片。