季前賽丨Edan感激爵屎出錢出力搞生日展 Stanley笑指花姐百足但冇咁多爪

姜濤、陳卓賢(Ian)、呂爵安(Edan)、邱士縉(Stanley)、陳安立及練美娟等,今日一起為ViuTv新劇《季前賽》開鏡活動宣傳,本周五(21日)是Edan的25歲生日,一班粉絲合資六位數字為他舉行一個空中花園展覽,對此Edan表示不知道「爵屎」(fans暱稱)花了多少錢,但卻很多謝大家的心思,他說::「除咗我開心,都俾機會所有粉絲一齊開心慶祝或一齊感受嗰種氣氛,我都想睇吓有冇機會去打卡,活動係Fans Club舉辦,佢哋都有問我攞『力圖』波衫同《膠戰》獎盃,我都想有自己個人特別啲嘅物畀給大家睇,令聯繫大啲。」

MIRROR及ERROR等人一同合演《季前賽》。

 

導演袁劍偉及花姐今日亦有出席宣傳活動。

 

Edan本周五迎接25歲生日。

 

早前同公司新女團Collar推出新歌《Call My Name!》MV,點擊率在短短兩日半便破百萬,超越師兄MIRROR的歌曲《Boss》紀錄,Stanley稱這是開心事,因大家也想看到整個娛樂事業更多人留意和蓬勃,百花齊放才有競爭進步。但早前有「鏡粉」投訴公司資源大量投放在Collar身上,連IG也管理不善,Stanley說:「其實我哋喺社交網上可以做得更好,呢啲係有競爭有進步,我們可以學習做得更好。」有鏡粉甚至點名批評MIRROR經理人黃慧君(花姐),Stanley稱:「花姐係百足,但就冇咁多爪,佢真係管理太多事務。」Edan也幫口說::「我哋會聆聽大家意見,都想愈做愈好,所以希望所有人愈嚟愈進步,花姐知㗎啦,應該,唔使我講。」而Ian與陳安立及P1X3L的吳啟洋,在戲中屬同一隊伍,這次嘗試與姜濤、Edan等街場對手敵對,感覺很有挑戰性。

 

Stanley認為有良性競爭才是好事。

 

Ian亦有份主演《季前賽》,他本身很擅長打籃球。

 

COLLAR的首隻歌曲點擊理想。

 

立即下載 | 全新《星島頭條》APP : https://bit.ly/3yLrgYZ 

即時娛樂