蔚雨芯(Rainky)於台慶劇《十月初五的月光》中飾演壞女孩「江依文」，因為夠潑辣演技獲網民讚好。日前Rainky喺IG出Story表示每晚坐定定喺電視前捧自己場，令獨立屋內的巨廳曝光，觀眾即轉移視線關注佢嘅私生活。Rainky坦言好無奈，仲覺得好無聊，但堅持唔會收歛及改變。採訪：方騫平 攝影：葉君海 化妝：bubuumakeup
蔚雨芯唔想大家只留意佢身材，表示放咗好多心機喺演戲上。
在《十月初五的月光》獻出螢幕初吻畀郭子豪。
入行多年，原來Rainky是首次獻出螢幕初吻：「以前覺得冇需要咪唔拍嘴戲囉，今次角色戲份重少少，而且有感動位。最深刻係拍攝時有好多人望住，點都會有啲尷尬，好彩一次過搞掂。」她表示認識「初哥哥」張智霖時只得8歲：「係童年回憶，當時心諗『嘩！呢個男仔講唔到嘢，但都做得咁好。』細個睇佢同『君好』佘詩曼難捨難離場面都會喊。」提到她出完IG Story後網民對她富裕生活更感興趣，她無奈說：「可唔可以專注返我事業？我為演戲付出咗咁多，好努力咬字搣甩懶音，其實間屋唔係有乜豪華裝修，只係有啲DIY啫，個泳池係公用。我鍾意分享，尤其係靚相，唔會收收埋埋，呢個先至係真實嘅自己。」
Rainky冇戴頭盔跳上郭子豪駕駛的電單車。
劇中同郭子豪經常鬧交。
蔚雨芯分享靚相，見到一櫃名牌袋。
蔚雨芯上載捧自己場睇新劇相片，豪宅大廳曝光。
舊版Rainky及郭子豪角色由姚樂怡及唐文龍演出。
蔚雨芯澄清相中唔係私人泳池，係公用泳池。
