(星島日報報道)昨日是影后劉嘉玲的56歲生日，前晚舉行盛大派對，與家人和摯親好友一齊慶祝，壽星女嘉玲姐以露背超低胸晚裝裙展露驕人身段，驚艷全場，與老公梁朝偉的煲呔禮服襯到絕。絕少出席應酬的偉仔繼續發揮電力，狂吸女賓客「集郵」，雖然偉仔一臉尷尬怕醜，亦禮貌地有求必應，o氹得全場女士相當盡興。
前晚嘉玲姐的生日派對現場布置成一片瑰麗花海，甚至連幾層高的生日蛋糕也鋪滿鮮花裝飾，猶如美麗花園。嘉玲姐獲一大班好友為她慶祝生日，媽媽、胞弟和老公偉仔更齊齊現身。嘉玲姐一身黑色晚裝長裙，低胸露背超性感又高貴，佩戴閃爆尊貴寶石頸鏈驚艷全場，偉仔亦以煲呔禮服盛裝襯太太。
偉仔平日甚少出席應酬飯局，前晚在嘉玲姐的生日派對上現身，當然成為眾人「集郵」對象，偉仔亦化身友善大使，人人有求必應。有女賓客在社交網分享偉仔的合照，她興奮地擁抱偉仔更與他鼻貼面表現親匿，偉仔則面露尷尬笑容，十足怕醜仔。
而上海新移民楊千嬅兩夫婦前晚也有盛裝現身生日派對，為嘉玲姐送上生日祝賀。