(星島日報報道)陳曉華（Hera）、何廣沛、吳業坤擔正主演的TVB靈異奇幻新劇《異搜店》即將播出。入行三年多的Hera，去年曾被狠批演技，其後憑劇集《七公主》成功洗底，今次首度升呢做女主角，與何廣沛、吳業坤大玩三角戀。
TVB近年起用新晉小花為劇集擔大旗，新劇《異搜店》女主角亦由入行只有三年多的陳曉華擔正女一，飾演劇中二手店太子女角色。Hera是2018年港姐冠軍，去年首度參演劇集《迷網》，曾被狠批演技生硬兼口齒不清，她承諾會努力改進，並在今年《七公主》一劇中獲讚咬字進步兼演技自然。今次Hera飾演善良熱血太子女，與劇中擁有異常觸覺的何廣沛及飾演專一能幹醫生的吳業坤大譜三角戀。
對於首度擔正女主角，Hera坦言仍是新人，是極速學習及檢討的機會。問到拍攝靈異場口時有否遇到怪事？Hera坦言很多：「最記得有部唔見咗叉電器的電腦，明明已經冇晒電好耐，但有一日突然着翻！當時因為大家趕住拍嘢冇為意，後來覺得古怪，就嘗試再開返部電腦，睇吓會唔會見到啲咩特別嘢，但這部電腦自此之後又回復開唔到機的狀態。」劇中周旋於廣沛與坤哥之間，現實中Hera對二人「零過電」，笑言：「因為我比較偏向一見鍾情，第一眼就知道會唔會有機會發展！」