《十月初五的月光》正播映，綠葉姚嘉妮表現突出，被網民大讚演技大爆發，被推舉今年攞女配角獎。而其中一場她跟有「美魔女」之稱的康華，以及考有健身教練牌的楊柳青，着貼身運動裝做GYM場面，同樣被讚有睇頭。
原來當日康華跟楊柳青拍這場戲時，不斷叫對方除外套，着小背心出鏡谷收視。楊柳青回應：「康華好玩得，拍嗰陣時，佢係要掹走我件外套，搞到我忍唔住係咁笑。其實佢同姚嘉妮都好勤力，我知佢哋都鍾意做運動，如果唔係身形都唔會Keep得咁弗。我同姚嘉妮有教練牌，康華就跳舞好叻，所以呢場戲拍得好開心，三個女人不斷交換扮靚心得。」
