巴西超模Gisele Bündchen拯救被困海龜 全靠愛犬狂吠發現

41歲巴西超模Gisele Bündchen自15年退出Model界後仍然好忙，家有兩仔一女(一個兒子John是老公跟前女友所生)嘅佢係一位母親、一位作家，更是一位環境永續倡議家，擔任聯合國環境保護親善大使長達10年。Gisele在IG貼出一段拯救海龜的片段，原來海龜被大漁網困住走唔到，「今日早上，我同愛犬Onyx喺海灘散步，Onyx對住一堆因漲潮沖上岸嘅海洋垃圾吠叫，一行近就見到一隻被漁網纏住翻側咗嘅海龜，佢眼中充滿絕望。」Gisele即刻幫海龜解開啲網，但海龜因為爭扎太耐無力爬向海，所以即刻抱起海龜將佢帶到水邊，見到佢游落海，Gisele覺得好欣慰同高興，雖然救咗一隻海龜，但Gisele覺得仲有大量動物因為被漁網纏住而死，呼籲網友要關注更多動物保育的問題。