今日是李佳芯（Ali）的39歲生日，她日前出席活動時透露沒有約會，要在工作中度過，又叫男士放膽追求。Ali原來一早約了閨密高海寧，並在IG貼出跟壽星女食飯慶祝的短片及相，她留言謂：「一個唔小心襯咗，等我呢個『村長個女』帶你環島遊。」兩人不約而同穿上白Tee及黑褲，兼又留有一頭長髮，十足孖公仔一樣。此外，Ali和高海寧雖同樣是素顏示人，但依然十分省鏡，尤其Ali完全不似39歲的真實年齡。
片中Ali搞笑稱是她強迫高海寧跟自己食晏慶祝生日，兩人面前各有一嚿插有蠟燭的蛋糕仔，她們一同唱生日歌及許願，難怪高海寧笑言好像自己一同生日一樣，而片中聽到有一位男士聲音叫高海寧攬一攬Ali，相信正是他負責拍攝。除了食生日飯慶祝外，兩女亦趁着好天氣去郊外遠足，Ali拿手機影相；高海寧則踩滑板，之後更食豆腐花，玩得十分開心。
