周國賢和藍奕邦一向老友鬼鬼，兩人亦曾經合作推出作品，例如兩年前的《守口如瓶 (三年守望 ft.藍奕邦) 》、2013年的《離開拉斯維加斯》等。周國賢更不時會在自己的Youtube Channel上載翻唱歌，今年就翻唱了Beyond的《遙望》、張子丰的《天國與地獄》等等;藍奕邦亦由去年開始重新經營自己的Youtube Channel。
昨日（27日）藍奕邦就率先在社交平台上出Post預告今晚（28日）8點半公開兩人一齊 Cover的兩首日文歌，並將在各自的Channel公開一首。藍奕邦更大賣關子叫Fans估下歌名，「#不如估吓係咩歌 #一隻歌名係自然現象 #一隻歌名係醫藥用品 #叫吸東瀛花系列好 #定東瀛吸花系列好呢 #周公子貴人善忘未到覆我 #聽晚見」。
而周國賢亦在今日（28日）出Post，公開今次cover日文歌系列改名為《吸東瀛花系列》，「有空敬請留意吸一下花，冇空都儘量入嚟?(吸)幾秒花，有勞有禮有心一眾花花星星們。」，呼籲Fans 一定要去聽下。周國賢更公布了兩首歌歌名，分別是《ギブス（石膏）》與《TSUNAMI（海嘯）》，令一班Fans相當期待。
