水原希子釣魚過31歲生日 着針織三點式晒靚Pat

上周五,日本名模水原希子31歲生日,名模過生日做啲咩?就係同朋友去釣魚,着住自家品牌針織三點式嘅壽星女同朋友釣咗成堆貴價海魚,如青衣、三鬚同花金鼓等,仲有船家即場切片做魚生,好想食呀。
因為針織三點式唔適宜游水,但希子都有玩直立板,小心啲就唔怕跌落水,之後佢着咗條透視裙喺面,加埋頂同款針織帽,玩水都可以玩得好Fashion。最後佢仲話好開心,因為收到好多祝賀留言。

即時娛樂