炎明熹(Gigi)、姚焯菲(Chantel)、朱敏瀚、王灝兒（JW）以及多位「聲夢」學員，今日在沙田為TVB新劇《青春本我》拍外景，Gigi和Chantel分別拍喊戲，劇中Gigi因遺失小貓不開心喊了出來，但她初次拍劇，要拍喊戲有難度，見她埋位培養好耐情緒也喊不出，最後要導演引導，眼珠才有少少淚水滾動，她拿着紙巾拭淚。
事後Gigi和Chantel接受訪問，Gigi直言喊唔出:「本身喊都會叫自己唔好喊，而且好少原因令自己喊，開機拍就喊唔出，停機時就喊，好想打自己，好無用！」她指導演很好，見她喊唔出有安慰，還好有耐性在身邊引導她，沒有嫌棄及駡她，感覺好窩心。她透露還有幾埸喊戲，會汲取經驗，之後有機會考慮上演藝課程。
劇情亦要Chantel因不開心而哭，她稱拍攝時望住公仔便喊了出來，叫她幫幫Gigi，Gigi稱「幫唔到」。問Gigi有沒有預備眼藥水？她說有，但沒有用。看她的面容有點疲倦，Gigi說之前因太攰眼腫，但今日不算太攰。Chantel則說早起一定有少少攰，但埋位大家好精神，有責任做好每一埸戲。問她們同時兼顧拍劇及學業會否很辛苦？Chantel說：「唔覺得太辛苦，只要明白對白有意思就好容易入腦，唔會死背。」Gigi也說應付到，不過快將測驗及考試，要更專注學習。可會要求跳拍自己的戲份？Gigi說不會，不想一個人影響大家，劇組方面已盡量配合他們。
