劉佩玥（Moon）、江美儀和新劇《隱形戰隊》監製文偉鴻均為9月星辰，前日開廠景同時，劇組為3人慶生，各自一個生日蛋糕外，還滿枱外賣美食。監製笑言這日都是假通告，叫大家回來主要慶祝生日。外賣之餘，壽星的江美儀反而要為想食素水煮魚的唐詩詠服務，炮製私伙靚湯。劇組不時萬歲，但男女演員都要為演出Keep Fit，劉穎鏇說每周都有一日Cheat Day；詩詠就話望住食物已好開心；Moon卻自言日日都是Cheat Day。
江美儀隨即爆Moon料：「佢開工成枱嘢食，好犀利，跟住又上網睇鹹網！」隨即全場嘩然。詩詠代解圍：「唔係唔係，係跳出嚟嘅，自己跳出嚟搵佢嘅嗰啲網。」Moon亦自辯：「嗰啲廣告彈出嚟嘅，唔關事嘅。」最搞笑是她向美儀姐投訴，詩詠又跟江美儀笑說：「真話唔好講嘛！」江美儀亦笑謂：「唔好意思，年紀大咗唔記得添！」
