(星島日報報道)強尼昨出席活動，提到姜濤突然暈倒，強尼坦言知他們工作流程好密，但認為不同年代當紅藝人也遇過休息時間不多。他說：「可能佢咁啱唔舒服，佢食嘢唔多，因為要keep身形。我都關心花姐年紀大啲，佢哋做幾多，佢就陪住做幾多場。」強尼提議姜濤可多吃保健食品補充體力，但笑指他今次暈倒可能因現場太多粉絲，每人吸啖空氣，都令氧氣如同阿爾卑斯山空氣一樣稀薄。
為《全民造星》系列擔任主持的強尼，笑言每年一度會以馬拉松式錄影首集，皆因有約百名參賽者。他說：「《全民造星IV》記者會之前，我已返到公司，直至翌日12點先離開，今年算係歷年最長時間一次。不過我都OK，因已預計時間長。」